mardi 1 mai 2012

حكم وأمثال شعبية مغربية


*الشر ما يظلم حد غير من جابه لنفسه

في الشتاء يقول البرد وفي الصيف يغلبه نعسه

والمعنى: أن الفقر لا يظلم أحدا من الناس، بل يجلبه الإنسان لنفسه، بسبب تكاسله *فالشتاء بحجة البرد، وفي الصيف يقول إن الحر يغلبه عن النهوض والحركة

*المرضي يطلب الشتا والزغبي تصب عليه

* ما هي لا... بقدود و لا بخدود غير ضربة من ضربات السعود

* الزين زين ورده، والسعد سعد قردة

* ديرها فالرجال ونساها وديرها فالنسا او ترجاها

* اش جاب الشوك لحب لملوك

... * الراجل ما بقات ليه طمارة مللي غلباتو المرا فالشطارة

* الله يرحم من زار و خفف

* الا شفتي النمل طالع فالدروج اعرف بلي العسل فالمصرية

* أعطي الحمار القيمة يردك نتا البهيمة

* اللي فشي نعمة و ما تيشكر تيخرج منها بلا ما يشعر

* بشحال القوس أمول القوس ؟ دابا تكبر و تشريه بلا فلوس

* فينما ضربت لقرع اسيل دمو

* الجرح يبرا وصير ملموم , وكلام العار فالقلب يبقى مرسوم .

* تفكر حبيبك و هواه, تفكر فعايلو و نساه

* رضينا بالهم ما رضى بينا بيتناه عند راسنا صبح عند رجلينا

* الا مات البو توسد الركبة, الى ماتت الأم توسد العتبة

* النهار المبارك عليك واحد يغديك و واحد يعشيك و النهار الصكع عليك واحد يدعيك و واحد يشهد فيك

* يا قلبي نكويك بالنار وإذا شفيت نزيدك... يا قلبي خلفت لي العار وتريد من لا يريدك

* حسابتني كرمة وفيها الكرموص سعا هي خربة و فيها الناموس

* كثرة عطيني ما تخلي حد يبغيني

* سول على الشبعان إلا جاع و لا تسولش على الجيعان إلا شبع .

* اللي تيكون اناني تيبقى وحداني

* الا شفتي العزري عواج اعرف خاصو الزواج

* الا بغيتي ولدك يخرج زين علمو الصلاة و الدين

* العين صعيبة تقتل الكسيبة و تخوي الزريبة لهلا يسلطها على شي حبيب و حبيبة

*الزين سلالة من العمة للخالة

*ايلا تكبر عليك شي عيفة قول ما كيتنفخ غير الجيفة

*المسكين خاد مسكينة او تهانات لمدينة

*كل حبة تابثة فيها حكمة نابتة

*إلا بغيتي ولدك يخرج زين علمو الصلاة و الدين